“Veysəloğlu Şirkətlər Qrupu” ölkədə iqtisadi sahədən yazan jurnalistləri maariflənditrmək məqsədi ilə “Biznes xəbərlərinin yazılması” mövzusunda təlim təşkil edib.
Korporativ sosial məsuliyyət tədbirləri çərçivəsində “Veysəloğlu irkətlər Qrupu” yeni layihəyə start verib.
Layihənin məqsədi Azərbaycanda iqtisadiyyat sahəsindən yazan jurnalistlər arasında maarifləndirmə işlərinin aparılmasından ibarət idi. Yeni layihə çərçivəsində ilk təlim 4-5 may tarixlərində Bakıda keçirilib.
Treninqdə yerli və xarici ekspertlər, millət vəkilləri, eləcə də ölkədə tanınmış biznes jurnalistləri təqdimatlarla çıxış etdi, interaktiv “workshop”-lar keçirdilər.
“Biznes xəbərlərinin yazılması” mövzusunda treninq 4-5 may tarixində, Hyatt Regency Baku otelində keçirilib.
İlk öncə “Veysəloğlu Şirkətlər Qrupu” nun İctimaiyyətlə Əaqələr şöbə rəisi İlham Məmmədov hər kəsi salamladı və tədbiri açıq elan etdi.
Daha sonra isə Fed.az xəbər saytının redaktoru Əli əhmədov “Biznes Xəbərlərinin yazılması və araşdırmalar zamanı detallara diqqət yetirilməsi” mövzusunda çıxış etdi.
“İqtisadi xəbərlərin iqtisadiyyata təsiri”ndən bəhs edən Prof. Dr. Zahid Məmmədov bu təlimə ayrı bir rəng qatıb.
Təlimin ən maraqlı hissəsi isə “Vergi siyasəti” mövzusunda olub. Bu mövzu barəsində çıxış edən Vergilər Nazirliyi, Vergi siyasəti idarəsinin rəisi Əvəz Quliyev jurnalislərin bütün suallarını da cavablandırıb.
Hər spikerin çıxışından sonra çay fasilələri olub ki, bu zaman da ekspertlər jurnalisləri maraqlandıran sualları cavablandırıb.
Günün davamında İqtisadi və Sosial İnkişaf Mərkəzinin Sədri Vüqar Bayramov “İqtisadi məlumatların doğru işlənilməsi və təqdimatı” mövzusunda danışıb.
Günün yekununu isə Millət vəkili Ziyad Səmədzadə öz təcrübələrindən danışmaqla və həmçinin də jurnalistlərin suallarını cavablandırmaqla qoyub.
Növbəti gün isə Media üzrə beynəlxalq ekspert Dan Mason jurnalistikanın bütün xırdalıqlarından və həmçinin “ çözüm tapan jurnalistika” dan bəhs edib.
Daha sonra isə İqtisadçı ekspert- Anar Əzizov “Maliyyə və iqtisadi xəbərlərin yazılış standartları” mövzusunda çıxış edib və həmçinin bunlara nümunələr gətirib.
Ən sonda isə, iştirakçılar sertifikatlarla və hədiyyələrlə təmin olunub. Təlim nahar süfrəsi arxasında yekunlaşıb.
0 Comment on this Article
Comment closed!