Yurdumuza bahar gəlir. Havalar isinir, hər tərəf yaşıllaşır, təbiət oyanır, quşların cəh-cəhi insanın zövqünü oxşayır. Hər birimiz daxilimizdə olan bütün neqativliklərdən, həyatımızda olan bütün xoşagəlməz hadisələrdən, problemlərdən uzaqlaşacağımızı və xoş, pozitiv günlər yaşayacağımızı ümid edirik.
Bayramlar xoş ovqat gətirir. Bəzən isə, elə bayramlar var ki, onların təntənəsinə insan daxili, ruhi oyanışın təsiri ilə hazırlaşır. Bu, hər bir xalqın milli bayramıdır. Xalqımızın belə böyük bayramlarından biri də Novruz bayramıdır.
Əsrlərin sınağından çıxmış mənəvi dəyərlərimizi, adət-ənənələrimizi özündə yaşadan Novruz – insanlar arasında birliyin və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam bir təməl yaratmışdır. Novruz bayramı sağlamlığın, firavanlığın başlanğıcıdır. Novruz başdan-başa ruh yüksəkliyi, əmək coşqunluğu, torpağa, insana məhəbbət bayramıdır. Elə bu məhəbbətlə bağlı yaranmış Novruz tapmaca, atalar sözü və adətlərində ulu babalarımızın müdrik dünya görüşü, humanist baxışları, həlim qayğıkeş təbiəti özünü göstərir.
Bəlkə də buna görə, hər kəs bayramı layiqincə qeyd etməyə çalışır, büdcəsindən asılı olmayaraq. Və buna görə də bazarlara, supermarketlərə üz tutur insanlar və məhz buna görə də bir qiymət araşdırması etdik ki, hər kəs öz büdcəsinə uyğun bayram süfrəsini qura bilsin.
Bayram bazarlığını haradan edə bilərsiniz və qiymətlər necədir?
Öncəliklə vurğulayaq ki, aparılan araşdırmalara görə, istər supermarketlərdə, istərsə də bazarda qiymətlərdə artım müşahidə olunur. Bayram süfrəsini bəzəmək üçün adət-ənənəmiz olan papaqatmada –papağa nələrsə pay qoymaq üçün bazarlıq etmək lazım gəlir. Artıq Baharın gəlişinə sayılı günlər qalır. Nəyi haradan ala bilərsiniz? Və ən əsası isə ən azından edəcəyiniz bazarlığı virtual olaraq belə görmək istəyinizi nəzərə alaraq instagram səhifəmiz son günlər sırf buna uyğun paylaşımlar ediləcək.
Bunların hamısına aşağıdakı linki klikləyərək instagram səhifəmizdən baxa bilərsiniz.
https://www.instagram.com/neharada.az/
Bir növbəti bloqumuz Novruz Süfrəsi barəsində olacaq. Süfrədə nələr olmalıdır? Süfrə necə bəzənə bilər və s.?
Bayram- xoşbəxtlikdir! Bayram – gözəllikdir. Bayramı dolu-dolu yaşayın. Bayram- üzlərdə yaranan təbəssüm və gülüşdür. Bahar bayramı isə, təbiətin oyandığı, əhval-ruhiyyənin artdığı, qəlblərdə mərhəmətin və sevginin çoxaldığı, küskünlüyün aradan qalxdığı bir bayramdır.
Qarşıdan gələn bayramınız mübarək!
Pərvin Hacıyeva
0 Comment on this Article
Comment closed!