“Şəbəkə” nədir?

Rabitə və Yüksək Texnologiyalar Nazirliyi (RYTN) “Şəbəkə” layihəsinin tətbiqinə başlamışdır.

Bu layihə çərçivəsində yaradılan müasir xidmət mərkəzlərində Rabitə və Yüksək Texnologiyalar Nazirliyinin qurumları tərəfindən vətəndaşlara göstərilən xidmətlər eyni məkanda cəmləşəcək. “Şəbəkə” mərkəzlərində telekommunikasiya və poçt xidmətlərindən başqa avia biletlərin satışının təşkili də nəzərdə tutulmuşdur.
Mərkəzlərdə müştərilər həm də xüsusi özünəxidmət terminalından istifadə edə biləcəklər.

Artıq ilk xidmət mərkəzimiz “Azərpoçt”un 1 saylı filial mərkəzinin əsas ofisində istifadəyə verilmişdir. İkinci xidmət mərkəzimizin isə yaxın zamanda istifadəyə verilməsi planlaşdırılır.
Hazırda xidmət şəbəkəsinin Bakının bütün rayonlarını əhatə etməsi üçün işlər aparılır. Növbəti mərhələdə isə “Şəbəkə” mərkəzlərinin regionlarda açılması nəzərdə tutulur.

“Şəbəkə” mərkəzlərinin yaradılmasının məqsədləri

✓ Vətəndaşlara yüksək standartlara uyğun xidmətin göstərilməsi
✓ Xidmət istifadəçilərinin rahatlığının təmin edilməsi
✓ Müştərilərin vaxt itkisinin qarşısının alınması
✓ Operativ xidmətin təşkili
✓ Xidmətlərin göstərilməsində şəffaflığın artırılması.
✓ Bürokratiya və korrupsiya hallarının aradan qaldırılması.

Missiyamız

Əsas missiyamız Rabitə və Yüksək Texnologiyalar Nazirliyinin qurumlarının təqdim etdiyi xidmətlərin göstərilməsini şəffaflıq, operativlik, nəzakətlilik prinsipləri əsasında yüksək səviyyədə təşkil etməklə vətəndaş məmnunluğunu təmin etməkdir.

Tag: Şəbəkə Xidmət Mərkəzi

Şəbəkə Xidmət Mərkəzi

KATEQORİYALAR

YAXINIMDAKILAR

BİZİ İZLƏYİN